15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Psiah ka Rymbai Wahshnong SC cha ka Playoff yong ka Super League ka East Jaiñtia FA

0 Comments
Advertisement ad1
Advertisement ad1
Advertisement ad1

Jowai: Ka yalehke wa khaddooh yong ka Super Leauge 2019 kawa tip leh kam ka ‘Kyrmen Shylla Contribution Trophy’ wa pynlai da ka East Jaiñtia Hills District Football Association da man ko hapyrdi ka Dhana SC wa ka Rymbai Wahshnong SC. 

Ka yalehke da man ko kawa khor heiwa ki ar liang da yakhun ki wow jop wow psiah cha kani ka Playoff, wei ka dhab wa rem leh daw chah pynhiar ki cha ka kyrdan First Division.

Advertisement ad1
Advertisement ad1

Ha kani ka yakhun, ha ka kylla step da kut i por khlem em wa ye u pynkhih ya ka jaar kool, katwa ha ka kylla miet won ha ka minit wa 69 ka Dhana SC da yoh ko u pynkhih ya ka jaar kool ka Rymbai FC wei ha ka minit wa 79 won ka Rymbai Wahshnong da yoh ko wow pynuiñ ya ka kool wei ha ka minit wa 89 won u Striker ka Rymbai Wahshnong SC da yoh ko ya ka kabu wow chut chapoh kool ka Dhana SC pyn napoh ka Penalty Box iwa da pynjop yaka Rymbai Wahshnong kawa man ini wa dep kawa duna Point dooh. 

Ki dhab kiwa da psiah cha ka Playoff toh ka Khliehriat West FC, Sutnga SSCC, wa ka Thanngskai Tiger SC. 

I rukom e Point man i kamwa da pynyoo ha ka Point Table. 

Ka yalehke Qualifier wa nyngkong u man ko hapyrdi ka Khliehriat West FC pyrchah ya ka Sutnga SSCC ha ka 25 tarik uni u bnai. 

Advertisement ad1
Advertisement ad1

0 Comments

Leave a Reply