Kam chibynta wow pynkhlan ya ka seiñ AITC, ynne ka sngi da em 326 ngut ki bru paidbah wa da psiah cha ka All India Trinamool Congress (AITC) kawa tip leh kam ka Trinamool Congress (TMC) hei emlang ki Vice President wa kynthup ya u Himalaya Shangpliang wa u James Lyngdoh ha ka yalang wa pynman ha Nongstoin.
Hadien ini i psiah kini ki dkhot thymme, neiliang ki Vice-President da klam yillu ki hajrong ki kaam ka seiñ ha ka jylla. Heiwa da pynsñiaw leh wa em chiboon ki kaam wa sahkut wei emkaam wow pynkhlan chooh ya ka seiñ na u President ka Nongstoin Block, u Macmillan Kharbani.
Hapoh ka Nongstoin Block ka Trinamool Congress em ko 10 ngut ki dkhot wa 70 ngut ki Executive Members.
Neiliang u Block President ynne ka sngi da khana u yei daw wa psiah u cha ka All India Trinamool Congress deiwa ong wa ka seiñ toh ka wow yakhun pyrchah ya ka BJP.
