Ynne ka sngi da man ko kawa pynkhyrngiat ya kiwa boon heiyatoh wa i kaam saiñhima ha ka jylla heiwa ki san ngut ki MLA ka Congress da psiah noh ki cha ka sorkar Meghalaya Democratic Alliance (MDA).
Kini ki MLA kynthup ki ya ka MLA na East Shillong, ka Dr. Ampareen Lyngdoh, u MLA ka Mawlai, u PT Sawkmie, u MLA ka Nongpoh u Mayralborn Lyngdoh, u MLA ka Rambrai Jyrngam Constituency, u Kimfa S Marbaniang wa u MLA ka West Shillong, u Mohendro Rapsang.
Kini ki MLA da e ki ya ka chithi psiah cha ka MDA ha u Montri Rangbah ka jylla, u Conrad Sangma ha kamra krehkaam yong oo.
Neiliang kini ki MLA da ong ki wa i daw wa psiah ki cha ka MDA toh wow pynkhlan ya i synchaar hapoh ka jylla wei i psiah yong ki daw ye i wow wanrah ya ka jylla chaphrang.
