15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Psiah ki ar ngut ki kyrtong MLA na WJH cha ka NPP

0 Comments
Advertisement ad1
Advertisement ad1

Jowai: Ynne ka sngi ka 14 tarik ki ar ngut ki kyrtong MLA na Jowai, u Wailad Shylla wa u kyrtong na Mowkaiaw u Gilbert Sten da psiah ki cha ka seiñ National Peoples’ Party (NPP) ha ka yalang wa pynman ha New Hill, Jowai.

Ya kani ka yalang da pyllai da u President ka Party ha West Jaiñtia Hills u O. Lamin.

Advertisement ad1
Advertisement ad1

Ha kani ka sngi da em u State President ka NPP u W.R. Kharlukhi, ka Politcal Adviser ka seiñ ka Phidelia Toi, u MLA ka Songsak u ND Shira, u kyrtong MLA na Mawhati u Dasakhiat Lamare, wa kiwi kiwi.

U Wailadmiki Shylla hei klam da pynsñiaw u yei mynsien wa kmen wa yoh u wow psiah cha kani party neibhah wa man ko ka seiñ kawa ye u pynphet ya ki kaam. Da ong u wa yoo u wa boon du ki khynroo wa ye u kreh yei kaam wei ha kani ka party em ko ya kitæ ki khynroo.

U Gilbert Sten da ong u wa da sdang u wow kreh kaam saiñ hima nadooh u 1988 heipor wa yachem u wa u P.A. Sangma wei ha u 1989 won da yaleh MDC u.

Da ong u leh wa da kyrpaad u ya u EC Bamon wow chong neibhah heipor wa man MLA u da yoo wa duna ki kaam pynroi wei  hakani ka kynti wow yaleh u da oo.

U N.D. Shira, da khana u ya ka parom wa tbian ka seiñ ya ka NPP ya kawa da sdang ha yung ka Phidelia Toi wei ka ymtoh ka party ki Garo neibhah wa ka em ko 4 ngut ki MLA ha Rajasthan, 4 ngut ha Manipur wa kiwi kiwi ki jylla.

Da ong u leh wa u Prestone Tynsong da kular u wa ka NPP daw yoh ko 18 ngut ki MLA du na Khasi wa Jaiñtia Hills ha uni u 2018.

Share this:
Previous

Daw pynman ya ka yakop khwe dakha ka Seiñ Raij Khliehmushut Moolibang, Shangpung

Next

Da khang ya ki truck wa ki kari wa khia wa kiwi kiwi wow lai lyngba ka yingkieñ Lakroh