Psiah ki ar ngut ki MDC samen ka JHADC cha ka Congress

Jowai: U CEM ka JHADC ynne ka sngi da pyntip u wa ki ar ngut ki MDC ka JHADC wa kynthup ya u Het Pohthmi u MDC ka War West wa u Suklang Shylla u MDC ka Nongjngi da psiah ki cha ka Indian National Congress (INC) wei ha kini ki sngi wa daw wan daw em chooh kiwa daw psiah cha ka.

Hawa yoh u yaklam ynne ka sngi wa u MDC ka War West da ong u wa da slem kwah u wow psiah cha ka Congress.

Katwa u Lamdibok Sumer u MDC ka War East uwa man leh u President ka Amlarem Congress Block Committee da ong u wa daw khlan chooh chooh ka Congress deiwa psiah u Pohthmi khamtam ha kini ki por wa da jan ka Election.

Kini ki MDC pynar man ki ki kyrtong samen.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U CEM won da ong u wa heiyatoh wa ka Election MLA 2018 wa yooluti hi u wow jop hi ha waroh ki Constituency hapoh ka ri-loom Jaiñtia wei ya ki kyrtong ka Congress ym pu tip neibhah ka MPCC ym pu em pynbna ko.

Hawa kylli won yei beiñ ka BJP ya ka Congress ha kini ki sngi ki bnai wa dadep da jubab u deiwa ong wa u dieñ wa boon soh boon kiwa kawang moo wei yei kop ka BJP wa ye ko pyndam noh yei khang tih mooyong ka NGT da ong u wa da em ki aiñ wa pait ya ini waroh wei neiliang ka Congress leh da booddien ko ya ini i kaam deiwa dawa na ka sorkar pyrdi wym hoi u krehkaam ka Coal Mines Nationalisaton Act 1973 hapoh ka jylla yow yohlaad biang u tih mooyong kamwa jooh.

Da ong u leh wa ki paidbah toh kiwa stat u jied kyrtong neibhah da yo ki katwon ku ka jylla hapoh i synchaar ka Congress.