Jowai: Ka Play Off wa ar hapyrdi ka 7 Wasa United (WJDSA) waka Ryntih SC (SSA) wa pynman ynne ka sngi ha Teilang Phawa Stadium, Dkhiah West, Khliehriat, da jop daka 7 Wasa da 3-1.
Ka 7 Wasa da yoh ko wow thap kool nyngkong haka minit wa 14 da ka kool u Pynishai Lathong tangwa ka Ryntih da yoh ko wow pynuiñ ya kani ka kool da ka chut Penalty haka minit wa 35 wa thap da u S. Sohktung.
Haka kylla miet ka 7 Wasa da yoh ko wow ban sa ar kool haka minit wa 79 da ka kool u D. Chyne wa na u Niponghi Sumer haka minit wa 90.
Da ini i jop, ka 7 Wasa da yoh ko wow psiah cha ka MSL 2019 da ka Wild Card Entry heiwa haka yalehke wa nynkong pyrchah yaka Ryntih da kut ko da 3-3.
Ka 7 Wasa u haap ko hapoh ka Group D heiwa waroh ki yalehke u pynman ha Government UP& RMSA School Playground, Resubelpara, North Garo Hills.
Discussion about this post