Shillong: U Firstforce Deki Ramsiej ynne ka sngi da psiah noh u cha ka NPP hadien wa chah knieh noh ka ticket u kam u kyrtong ka UDP na Umroi ha u Mangkara Pathaw.
U Ramsiej da kam u leh wa em da ki hajar ngut kiwa bood ya oo kiwa da rai noh wow kyrchaan noh ya u kyrtong ka NPP.
Da ong u wa hanlada ka NPP ympu em u pynbna ko ya u kyrtong ka na kani ka Constituency tangwa kyrmen u wow yoh u yakhun ha ka Election na ka NPP.
Katkam ki khubor wa da mih u MLA wa katni uwa man leh u dkhot ka Congress, u Ngaitlang Dhar u psiah noh u cha ka NPP wow yakhun election na kani ka party. Da ong u wa lada ymyoh u wow yakhun na ka NPP daw kyrchaan won u ya uwon uwon u bru wa jied ka party.
Da kyntait u leh ya ka khubor wa chwa wow khylliap lama ya ka UDP da kiwa kyrchaan yong oo wa da thang ki ya ka lama ka seiñ (UDP), da ong u wa ki paidbah ym em u thang ki ya ka lama tangwa da thang ki ya ka Signboard ka UDP kawa em ha yungkrehkaam ka seiñ kawa em ha yung sah u.
Discussion about this post