Wai u MDC ka Saphai ya ka madanbol wa chna lyngba ka SACPS ha Psiar

Jowai: U MDC ka 13-Saphai Constituency u Chanky Lyngdoh ha ka 2 tarik uni u bnai da wai paidbah u ya ka madanbol wa em ha chnong Psiar kawa da yarap poisa u na ka Special Assistance Central Plan Scheme (SACPS).

Ha katai ka sngi da emlang leh wa u Waheh Chnong ka Psiar u M. Synnah kamjooh wa ki wa chong chnong.

U Waheh Chnong hei klam yong oo da ong u wa kat kini ki por wa dep ym jooh em kiwa wan booh moo- yurim ha kani ka chnong kawa em hapoh ha Block 1. Da ong u leh wa kam ka chnong ka thaw katwon wa dap ki da i kmen wa khroo wa yoh yarap ki lyngba kani ka Scheme.

U C. Lyngdoh won da ong u wa kmen u e yarap kam cha kini ki thaw khappood kiwa boonsien ka sorkar da ieh beiñ ko. Da kyntu u leh ya ki wa chong chnong wow pynemkaam hok ya kiwon kiwon ki Scheme sorkar wa yoh ki khnang wow wanrah yei myntoi ya ka chnong ka thaw wa ya ka imlang sahlang.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026