15 49.0138 8.38624 1 0 4000 1 https://wyrta.com 300 0

Psiah noh u Hilarius Dkhar cha ka NPP
Da psiah leh u O N Shyrmang wa u Prof. Don Kupar War

0 Comments

Shillong: U Hilarius Dkhar, u MDC warim ka JHADC da psiah u cha ka National People’s Party (NPP) ha ka yalang wa pynman ha yungkrehkaam ka NPP ha Shillong.

Da wan sakhi yeini da u Dr. W. R. Kharluki State NPP President, u Octomewot Lamin President Jaiñtia Hills District, u James Sangma, MLA, u Wailad Miki Shylla wa kiwi kiwi ki dkhot ka seiñ.

U Dr. W. R. Kharluki da pdiang burom u ya u Hilarius kam u dkhot ka NPP wei da e u ha oo ya ka chithi wa thung ya oo kam u Working President ka Jaiñtia Hills District.

Ha kani ka sngi da pyntip leh wa u Oliver Neat Shyrmang u Montri warim wa u Prof. Don Kupar War, u President warim ka Congress Shillong City da psiah ki cha ka NPP.

U Diverland Lyngdoh da klam u chaphang wa sñiaw yajan u wa u Hilaruis Dkhur wei yooluti bha u wow kreh lang wa oo.

U James K Sangma won da ong u wa sñiawkmen u yei psiah u Hilarius Dkhar cha ka NPP wei ngait skem u wa i sap u Hilarius kam uwa yahkhmat daw yarap ko chiboon ya ka party ym du hapoh ri-loom Jaiñtia kamjooh leh hapoh ka ri waroh kawi.

Da pynsñiaw u leh yei sñiawngooh yong oo yei ngait yei bor ya uwa yahkhmat ka party u Conrad Sangma uwa man leh kam u National Preseident.

U James leh da pdiang burom u ya u O N Shyrmang wa ya u Prof. Don Kupar War.

Neiliang u Hilarius Dkhar da e khublei u ya ka seiñ yeiwa ngait ki ya iwa ye u wanrah cha ka party wei da kular u leh wow kreh chitom neibynta wow pynheh ya ka party NPP hapoh ka jylla.

Advertisement ad1

0 Comments

Leave a Reply