15 49.0138 8.38624 1 0 4000 1 https://wyrta.com 300 0

Psiah noh u PN Syiem wa u Alvin K Sawkmie cha ka NPP ynne ka sngi haka yalang wa man ha Mawsynram

2 Comments
Advertisement ad1

Jowai: U Chairman warim kamjooh uwa seiñ ya ka Party PDF u PN Syiem ynne ka sngi da psiah u kam u dkhot ka Party NPP deilang wa u Alvin K Sawkmie ha ka yalang wa pynman ha Mawsynram.

U PN Syiem hawa e yei klam da ong wa sñiawphylla kiwa boon kammon kam uwa seiñ ya ka PDF ynne ka sngi chong lang u wa u Conrad wei iyi i daw da psiah u cha ka NPP, ki daw da ong u toh chem u wa u Conrad man u u bru wa biang kam u wow yahkhmat ya ka jylla wei daw man ka jylla kawa roi wa paar ha ki sngi wow wan, emkaam leh ya ka thaaiñ mihsngi wow yatylli yow khlan ko wei du ka party NPP wow ye u leh ya ini, yow yada ya iwa emkaam i.

Advertisement ad1

Neiliang u State President Dr. WR Kharluki da pynbna u leh wa ya u PN Syiem da thung ya oo kam u General Secretary In-charge ka Khasi Jaiñtia Region.

Ha kani ka sngi da emlang leh uwa e buit ka sorkar MDA u Dr. DD Lapang uwa da ong wa emkaam ya ka sorkar wa skem wei da pynkynmoo u leh wa hapoh ka jylla da mih 6 tylli ki sorkar hapoh 5 snem.

Kamtæ ki sorkar synrop emkaam u man ki kiwa ye u ya krehlang neibynta ki paidbah wei i haap ka sorkar ktah ko ya ka roi ka paar.

U montri rangbah ka jylla u Conrad Sangma hei klam yong oo da ong u wa ka NPP wan ko neibynta ki bru ka Mawsynram, neibynta ka district wa ka jylla waroh kawi kamjooh ya ka thaaiñ mihsngi. Ka NPP toh kawa em i thong wa che wa em yurim ymtoh kawa yaleh Election khlem ka thong, ka NPP ka yieñ ko neibynta ki tre jylla, ki bru ri-loom, kawa ym em pait chiliang lada ha ka niam wa kiwi kiwi wei e laad ko ya waroh wow pynsñiaw ki yeiwa kwah ki.

“Neini i daw wa u PN Syiem wa kiwa kyrchaan ya oo da psiah ki cha ka NPP kawa e laad ya ki paidbah ka Mawsynram, ki paaid ka Meghalaya wa ki paaid ka thaaiñ mihsngi wow yoh ki ka rynsaan kawa ym leh chiliang wei ini i daw da wanrah lang ya waroh wei ka NPP u pteiñ ko u yaleh neibynta uwi pa uwi.” Da ong u Conrad.

Da e nongmuna u ya ka Party Congress kawa katni kiwa boon kiwa kreh ko ym em sñiawhun ki yei rukom krehkaam ko. Da pynkynmoo u ya iwa jia hapyrdi u PN Syiem wa u Dr. Mukul Sangma kiwa ym neh chah u pait uwi ya uwi hanlada em ki hapoh ka jooh ka Party neidaw i rukom krehkaam ka Congress toh kiwa leh heh.

U PN Syiem wa u Alvin K Sawkmie toh kiwa daw yakhun Election MDC naka ticket NPP.

Advertisement ad1

2 Comments

  • January 5, 2019 at 5:09 pm
    Mykhel

    Da rem I kattu,

    Reply
  • January 5, 2019 at 5:11 pm
    Mykhel

    Da rem I kattu,

    Reply

Leave a Reply