Psiah NPP ki ar ngut ki MDC Congress ka JHADC

Jowai: Ka National People’s Party (NPP) ynne da khlan chooh chooh ko deiwa psiah ki ar ngut ki MDC ka Congress ha Jaiñtia Hills Autonomous District Council (JHADC).

Kini ki ar ngut ki MDC ka Congress kynthup ki ya u Aiborlang Shadap uwa man u MDC ka 12-Barato Mukroh wa u Arbor Hima Darnei, MDC ka 27- Sutnga Saipung Constituency wei da pdiang ya ki ha ka yalang wa man ynne ka sngi ha i yung u District President ka NPP, u O. Lamin.

Ha ini i pdiang ya kini ki da emlang leh u montri ka sorkar jylla wa pait ya ka chnat Fisheries, u Comingone Ymbon, u State President ka Party, u Dr. WR Kharluki, u CEM ka JHADC, u Thombor Shiwat, ki MDC ka Council, u District President ka NPP West Jaiñtia Hills, u O Lamin, kiwa kyrchaan ki ar MDC, wa kiwi kiwi.

Ka party da rai ko leh wa daw lai pdiang ko ya kiwa kyrchaan kini ki MDC cha ki chnong yong ki wei da ekti wow booh sngi da kini hi ki MDC.