15 49.0138 8.38624 1 0 4000 1 https://wyrta.com 300 0
Advertisement ad1

Psiah NPP le ngut kiwa kitkaam warim ka BJP na ri-loom Jaiñtia

1 Comment
Advertisement ad1
Advertisement ad1

Shillong: Le ngut kiwa kitkaam warim ka Bharatiya Janata Party (BJP) na Sutnga Block, East Jaiñtia Hills da lai psiah ki cha ka National Peoples’ Party (NPP) ynne ka sngi da i thmu wow yakhun ya ka Election MDC ka wow man ha u snem wow wan na ka party NPP.

Ya kini ki le ngut da pdiang sñiawbha da u President ka NPP Meghalaya, u Dr. WR Kharlukhi ha yung krehkaam ka Party ha Shillong.

Kini ki le ngut kynthup ki ya u Z. Thianglai uwa jooh ksoh kam u Vice-president ka BJP East Jaiñtia Hills, u Rollingson Dkhar uwa jooh man kam u Organizing Secretary ka BJP na Sutnga Block wa u Seiborlang Shadap uwa jooh man kam u MDC warim.

Hawa yaklam wa kiwa pathai khubor kiwa mih noh na ka BJP da ong ki wa i daw wa mih ki na ka Party toh na ki daw samen wei i psiah ki cha ka NPP toh neidaw wa ku smat ka NPP ha kanei ka jylla hapoh i yahkhmat u Montri Rangbah, u Conrad K Sangma.

Chooh chooh da ong ki wa daw lai paan ticket ki na ka NPP wow yakhun ya ka MDC dei kyrmen wow poi ha ka thong.

Neiliang u Dr. Kharlukhi da ong wa ka yakhun MDC ha Jaiñtia Hills u man ko hapyrdi ka NPP wa ka UDP hanlada ka Party dang yoh ko dang du le ngut ki MLA na ki ar tylli ki district, da pyntip u wa ka party da chna ko leh ya ka Election Committee ha waroh ki district wow pynkhreh neibynta ka election MDC.

U President ka NPP da ong u leh wa ka party daw yoh ko u synchaar ha ki District Council hadien ka election wei daw booh kyrtong ha waroh 29 tylli ki MDC Constituency ka KHADC wa JHADC.

Advertisement ad1

1 Comment

  • October 23, 2018 at 5:11 pm
    Stewart Nampui

    wyrta staff kindly correct the name written S thianglai its Zosiama Thianglai

    Reply

Leave a Reply