Psiah NPP u Dr. Sankey Shangpung deilang wa u MDC ka Sohïong

Ka National People’s Party (NPP) ynne ka sngi da pdiang ko ar ngut ki MDC kiwa da psiah chapoh ka Party kitæ u Dr. Sankey Shangpung uwa man u MDC ka Bataw- Lakadong yong ka JHADC kamjooh leh u Chairman wa u Sherborlang L Mawlong uwa man u MDC ka Nongspung-Sohïong yong ka KHADC.

Ya kini ki ar ngut ki MDC da pdiang sñiawbha ha ka yalang kawa man ha yung krehkaam ka NPP ha Shillong da kiwa yahkhmat ka Party nadooh u President, u Conrad K Sangma, u National Vice President, u Prestone Tynsong wa kiwi kiwi.

U Dr. Sankey toh uwa da jop ya ka Election MDC ha u snem 2019 na ka Ticket UDP. Hawa e yei klam da e khublei u ya kiwa kyrchaan ya oo kiwa da hap wow lai luti palat 150 Km yow poi cha kani ka yalang najrong ka sarok wa sih wei da khana u wa i psiah u cha ka NPP ym du oo kam u MDC tangwa deilang wa u Welcome Dkhar, uwa man kam uwi na kiwa seiñ ya ka UDP kamjooh u MDC warim wa kiwi de kiwa yahkhmat ka UDP ka East Jaiñtia Hills District kam u Vice President.

Da ong u wa i daw wa mih noh u napoh ka UDP ym toh wa em u iyi iyi i daw wa pyrchah ya ka Party lane wa ki MLA tangwa hadien wa da bichaar bniah u yei long i man ka saiñhima sima hapoh ka jylla da yoo u wa du ka NPP kawa nood u leh ya ki kaam wa kiwi ki Party ym ye ki wow leh kam ya ka Them Iewmalong, i pynbait pood wa kiwi de yow yoh u ya krehlang waka NPP nadooh myntu ka sngi.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u leh wa hanla ka NPP ym em MLA ko ha East Jaiñtia Hills tangwa da yoo ya ki myntoi wa chiboon wa da leh ko wow wanrah ya i roi i paar khamtam ha ka Constituency yong oo.   

Neiliang u Sherbor uwa da jop ya ka Election MDC na ka HSPDP, da ong wa ym em iyi iyi wa ka HSPDP, wei ka Party toh kawa bha, tangwa kwah u wow psiah cha ka Party kawa rap bha chooh chooh wei katæ toh ka NPP.

Hawa klam ha ka yalang pdiang burom, u Prestone Tynsong da ong u wa ka Party ka sñiaw chngaaiñ ko wow yoo yei wan ki ar ngut ki MDC deilang wa kiwa kyrchaan cha ka NPP, da pynsñiaw u yei kyrmen wa ha u snem 2023 ka Khliehriat wa ka Sohïong daw man ki kam ki yong ka NPP.

Neiliang National President ka NPP uwa man leh u Montri Rangbah ka jylla, u Conrad K Sangma da pdiang sñiawbha u ya kini ki ar ngut ki MDC.