Psiah NPP u MDC ka Mairang deiwa ong wa ki bru pait ki yeiwa duna ym ya ki kaam wa da leh

U MDC ka Congress na Mairang, u Batskhem Ryntathiang ryngkat wa kiwa yahkhmat da psiah ki cha ka NPP haka yalang wa da pynman ha Mission Compound, Mairang.

Hawa klam ynne ka sngi, u Batskhem da ong u wa da rai wow lai psiah cha ka NPP hadien wa kiwa yahkhmat wa hakhlieh ka NPP nadooh u Conrad K Sangma wa kiwi khut ki ya oo deiwa pyrkhat u leh yeiwa emkaam yong ka thaaiñ.

Hawa jubab ya kitu kiwa klam pyrchah yaka NPP, u Batskhem da ong u wa ka poisa em ko ar liang, chiliang deiwi wa ha chiliang da kawi won i dur wei lada khet ka daw man ko kawa sepai. Kamjooh ha kini ki sngi ha ka Politics rap niar wa ki bru u ong ki wa kani ka Party leh ko ya kini kini wei wow kdaw yei duna tangwa boonsien klam ki ya iyi wa lait yong kiwi khlem da pait yei bha wei da ong u wa ki paidbah rap noh smat ki cha iwa sih.

Da sñiawngooh u wa ka Party Congress da pynjop ko ya oo kam u MDC na Mairang-Nongkhlaw tangwa i kylla i por daw hap wow pyrkhat da kamwi won.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Haka yalang, da ong u wa daw yaleh katwa ye yow pynjop yaka Ampareen kam ka MP neibhah wa em u yei kitkhlieh ya ki 19,000 ngut ki paidbah yong ka Mairang Constituency kiwa da e yei chaniah ya oo haka Election MLA wa dang dep.

U Batskhem da ong u wa hanla em ki wym ye wow pdiang ya kani ka luti lai kawa thymme tangwa daw pynsñiawthooh wa ym yah u cha ka luti kawa bakla khnang wa manda yoo ya ki kaam, kitæ kiwa pyrchah leh daw wan ki yow rap kreh chitom chooh chooh.