U MDC ka Narpuh Constituency, u Emlangky Lamare uwa da jop naka UDP ha u 2019, ynne ka sngi da lai psiah u cha NPP ha ka yalang wa pynman ha Madan Ïewrynghep, Shillong kam chibynta wow pdiang leh ya ka Dr. M. Ampareen Lyngdoh wa u Mohendro Rapsang da u NPP National President uwa man leh u Montri Rangbah ka jylla, u Conrad Sangma wa u Vice President, u Prestone Tynsong uwa man leh u Symbood Montri Rangbah ka Meghalaya.
U Emlangky hawa khana yei daw wa psiah u cha ka National People’s Party (NPP), da ong u wa kiwa kyrchaan yong oo da kwah ki ya oo wow psiah u cha ka NPP neidaw wa da yoo ki wa kani ka sorkar wa yahkhmat da ka NPP da wanrah ko ya chiboon ki kaam pynroi ha thaaiñ Narpuh khamtam i kreh yow chna ya u sarok Sonapur-Borghat uwa da dep wan wai da u Prestone Tynsong ini wadep.
Da kdaw u leh yei wai yaka C&RD Block ka Lumshnong ini wa dep da u Conrad K Sangma wei kini waroh da pynman ya oo wow psiah cha ka Party yow ye u krehlang hapoh i yahkhmat wa stat u Conrad K Sangma yow wanrah chooh chooh yei kaam pynroi hapoh ka thaaiñ Narpuh.
Da e khublei u leh ya ka Santa Mary Shylla kawa man ka kyrtong ka NPP na 5-Sutnga-Saipung Constituency deiwa ong wa u ya krehlang u yow pynjop ya ka ha kani ka Election 2023 yow wanrah ya ki kaam pynroi hapoh ka Constituency khamtam hapoh ka thaaiñ Narpuh.
