Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 18 tarik da le tylli ki yalehke Pre-Quarter Final ha madan bol ka Umkiang.
Ha ka yalehke wa nyngkong, da yachem ka Ratacherra CSC waka Mynkre FC heiwa ka Ratacherra da jop ko da 1-0 lyngba ka kool wa thap da u Shiningstar Myrmen ha ka minit wa 57.
Ha ka yalehke wa ar, da pynman hapyrdi ka Umkiang Sports Association waka Wahiajer Narpuh FC A heiwa ka Umkiang da jop ko da 1-0 da ka kool wa thap u Ker Pala ha ka minit wa 18.
Ha ka yalehke wa leh hapyrdi ka Donaskur FC waka Kuliang FC, da kut ka yalehke da 0-0 heiwa ha ka yachut Tie-breaker ka Donaskur da jop ko da 4-3.
Kini waroh le kiwa jop da yoh ki wow psiah Quarter Final.
