Psiah Quarter Final sa ka Mulang Ialong ha ka 3rd Division

Jowai: Ka Mulang Ialong da man ko ka dhab wa 4 wa da yoh u psiah cha ka Quarter Final ka 3^rd Division ka WJDSA deiwa pynrem ko ya ka Iawmulong Nartiang da 2-1 ynne ka sngi.

Ya ka Mulang Ialong da pynjop da ki artylli ki kool wa thap u Tellme Mulieh ha ka minit wa 2 wa 44 katwa ya ka Iawmulong Nartiang da thap u Rimiki Myria ha ka minit wa 66.

Ha ka Super Division won ha ka yalehke wa khaddooh chwa wow sdang ka Semi Final, ka Sohmynting da pynrem ko ya ka Demthring da 2-1.

Ya ki kool ka Sohmynting da thap u Kmenlang Kyndait ha ka minit wa 23 wa u Wellborn Dkhar ha ka minit wa 74 katwa ya ka Demthring da thap u Spain Ryngkhlem ha ka minit wa 36.