Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA, ynne da pteiñ ki yakhun Pre-Quarter Final deiwa pynman ar tylli ki yalehke.
Ha ka yalehke wa nyngkong, ka Madankynsaw Mookyndeng da jop ko ya ka Lumbhahdakha Wahiajer da 2-1.
Ya ka Madankynsaw Mookyndeng da thap kool da u Ferdinand Sayoo haka minit wa 12 wa u Dangri Phawa haka minit wa 77 katwa ya ka Lumbhahdakha Wahiajer da thap da u Gideon Mukhim haka minit wa 43.
Ha ka yalehke wa ar, ka Mookyrdup da jop ko ya ka Madan Thadmuthlong da ka Tie Breaker 6-5 hadien wa kut ka yalehke da 1-1.
Ya ka Mookyrdup da thap kool da u Nicky Boy Swer haka minit wa 19 katwa ya ka Madan Thadmuthlong da thap u Pyniaid Tang haka minit wa 26.
Ini mut wa ka Madankynsaw Mookyndeng waka Mookyrdup da psiah Quarterfinal ki.
Mynstep ka 6 tarik, ka Maitchaphrang Mootyrchiah daw yachem ko ya ka Royalpole Mihmyntdu heipor 1:00 waje i sngi iwa pynbood da ka Khliehmuchut Shangpung pyrchah da ka Iong I Dahi FC heipor 3:00 waje i sngi.