U Diankey N Sangma da yarap pynjop u ya ka East Garo Hills deiwa ye u kdong yei thong wa da booh da ka South Garo Hills yow jop da 3 Wicket haka Zone 2 ka U-23 Boys Inter District Cricket Tournament wa pynman da ka MCA ha Mendipathar, North Garo Hills ynne ka sngi.
Haka Group B ka Zone 1 won, ka Ri-Bhoi da jop ko ya ka South West Khasi Hills da 131 Run.
Ka EGH da jop ko ya ka kylla khlem wei da jied ko wow kawang bol nyngkong. U Jangrik (33) wa u Sundaybirth K Marak (25) da kamai boon dooh ki yaka SGH. U Diankey da yoh u 2/16, u Suresh Basfor 2/19 wa u Subham Gupta 2/32 heiwa ka EGH da pynhaap lut ko ya ki Wicket ka SHG kawa kamai 153 Run na ki 38.3 Over.
Ka EGH hawa kdong yei thong da dooh smat ko 3 tylli ki Wicket deiwa yoh 16 Run deiwa yoh u Erybel R Marak (2/13) wa u Jangrik (2/22), tangwa u Subham (28) wa u Diankey (49 Not Out) da pynskem ki yei kamai Run. U Diankey da neh u 127 bol yow yoh ya ki Run wa emkaam ka EGH wei yow pynsangeh leh yei haap ki Wicket heiwa da yoh u leh yei naam Man-of-the-Match deiwa yoh lang leh ar tylli ki Wicket.
Katwa ha kawi won ka yalehke, ka Ri-Bhoi da jied ko wow Bat nyngkong hadien wa jop ya ka kylla khlem heiwa da kamai ko 224/9. Kiwa Bat cha pyrdi, u Badonnam John Mylliemngap da yoh u 63 (Not Out) wa u Bharat Gurung 62. U Costerfield Lyngdoh da yoh Wicket u hawa sdang wa hawa kut ka Innings yow yoh 5/39.
Ka SWKH hawa kdong ya ka thong da ye ko wow kamai 93 Run deiwa dooh lut ki Wicket. U Banshanbor K Syiemiong da kamai boon dooh u da 33 katwa u Gurung da yoh u 4/24 wa i naam Man-of-the-match Award wa u Abhishek Rai 3/23 wa u Mylliemngap (2/28).
Ha ka 14 tarik ha ka Group A ka Zone, ka Shillong Cricket Association (A) daw yachem ko waka All Jaintia Cricket Association. Ha ka Zone 2 won ka Tura District CA daw yachem ko waka EGH.
