Jowai: Ka 4th Invitation Knock Out Football Tournament kawa da pynman da ka Moodymmai Sport Club da man ko kawa lai bait ynnin ka sngi ha Moodymai.
Ynnin ka Sookiru FC da jop ko ya ka Giorona FC da 4-1 wei na ini i jop ka Sookiru da psiah ko cha ka Semi Final.
Ya ki kool ka Sookiru FC da thap da u Shining Lamurong ha ka minit wa 45 wa 50, u Niponghi Sumer ha ki minit wa 42 wa 57 katwa ya ka kool ka Giorona FC da thap da u Bantei Shylla ha ka minit wa 49.
Ka yakhun wa bood kawa man ka Semi Final u man ko ha ka 29 tarik uni u bnai hapyrdi ka Eastern Pirates pyrchah ya ka Sookiru FC heipor 2:00 waje i sngi.
Kam wow pynkynmoo heini, ya kiwa jop ha kani ka lympung u yoh ki ka song poisa wa T. 2 lak, kiwa rem won T. 1 lak.
Discussion about this post