October 10, 2019
0 Comments
Jowai: Haka Moopala 1st Money Knock Out Football Tournament, da psiah Semi Final sa ka Dkhar SC hadien ka yalehke Quarter Final ynne ka 10 tarik pyrchah yaka Jalaphet Pyrdung SC.
Ya kiwa jop da rai da ka yachut Tie-Breaker heiwa ka Dkhar SC da jop ko da 4-3 hadien wa ka yalehke da kut ko da mar chi kool.
Yaka Jalaphet Pyrdung da thap kool da u Arki Bareh haka minit wa 14 katwa yaka Dkhar SC da thap da u Sanjini Dkhar haka minit wa 68.
Ka yalehke Quarter Final kawa soo u man ko haka 11 tarik uni u bnai hapyrdi ka Nongrim Hills (Latyrke) pyrchah yaka Khliehriat West ha i por 2 waje i sngi.
Da yooluti wa ka yalehke u man ko kawa yoosuk heiwa waroh arliang man ki kiwa yatoh bor bha, kamtæ neiliang kiwa pynman ya kani ka Tournament da khut sñiawbha ko ya ki paralok parajor wow wan sakhi ya kani ka yakhun psiah Semi Final.