Kat dang mih ki sngi ki bru kiwa psiah cha ka TMC dang boon ki khamtam hapoh Jowai Constituency heiwa ynnin ka sngi uwa e buit namo u Advisor ka UDP, u Sambha Phawa da psiah noh u cha ka TMC wow e i kyrchaan ya u kyrtong ka Party na 2-Jowai Constituency, u Awhai Andrew Shullai.
Neiliang u Sambha da ong u wa ini wadep da jied ya oo kam uwa e buit ka UDP wei ynnin i miet da chim noh u ya ka rai wow kyrchaan noh ya u Andrew Shullai.
Da paan maap u leh wa ha ki por wa dadep da beiñ joor u ya ka TMC heiwa da jooh ong u wa kani toh ka Party ki Bangali tangwa da chem u wa u Andrew man u u bru uwa sakhiat.
Chooh chooh da ong u wa ka NPP wa ka UDP wot ka BJP leh man ki i jooh hi neibhah kup lang ki da ka jooh ka yinnep ha Shillong.
Kamtæ da kyrpaad u ya ki paidbah wow kyrchaan ya ka TMC ha kani ka kynti.
