theme-sticky-logo-alt
theme-logo-alt

Psiah u Samlin Malniang cha ka NPP neidaw wym jooh kyntait ki yeiwa paan u neibynta ka Sohiong Constituency

U Samlin Malngiang uwa da dep hiar chuki kam u MLA uwa da dep jop naka HSPDP wei uwa da jooh man leh kam u Montri sorkar hawa ieh noh yei man MLA, ynne da psiah u cha ka National People’s Party (NPP).

Ka NPP da pdiang sñiawbha ko ya u Samlin ynne ha ka yalang wa da pynman ha Madan Umsaw, Sohiong wei da pynbna syndon ya oo kam u kyrtong MLA ka Sohiong Constituency, da u National President ka NPP, u Conrad Sangma uwa man leh kam u Montri Rangbah ka jylla.

U Samlin hawa e yei klam da ong u wa da dep u wow chakri ya ka Constituency kam u MDC chiteiñ samoi wa kam u MLA 5 snem wei kam u pa wa yahkhmat, ki khon leh kat dang lai i por i maya leh dang chitrhem.

Da ong u wa ha ki 5 snem ki Scheme wa da wanrah u lyngba ka chnat PWD yoh chna sarok dapoi ko T, 230 klur hapoh ka Sohiong Constituency, heiyatoh waka umbaam umdih dapoi T. 100 klur deilang waka JJM wa kiwi kiwi de ki Scheme.

Heiyatoh won wow pynbha ya ki skur waka puræ puthi dapoi T. 6 klur tam, naka chnat Water Resources dapoi T. 5 klur tam wei naka chnat Sports dapoi T. 8 klur, yow chna ya ka yung krehkaam ka Block Sohiong da yoh T. 3 klur wei i pynbha ya ka Sub Centre, CHC wa PHC dapoi T. 4 klur wei waroh kini ki Scheme dapoi T. 361.90 klur wei waroh won ki MLA Scheme ym du ka SWRP dapoi T. 12.81 klur kawa da e cha ki paidbah.

Kamtæ da ong u neiwon u yoh pa phi kam oo wei ym emkaam de da uwi tawon.

Heiyatoh wa i psiah u cha ka NPP da ong u wa burom hi u ya ka HSPDP kawa da jop u tangwa ka NPP kawa yahkhmat sorkar nadooh u Montri Rangbha wa u Symbood Montri Rangbah toh kiwa ap bait ya iyi wa da wanrah u hakhmat yong ki neibynta ka Constituency wei da yaroh u leh ya kani ka sorkar kawa nood u leh ya ki kaam wym nood kiwi wow leh.

Ha kani ka sngi najrong u Montri Rangbah, u Conrad Sangma, da emlang leh u SYmbood Montri Rangbah, u Prestone Tynsong, u NPP State President, u Dr. W R Kharlukhi, u NPP State Vice President, u Prof. Donkupar War, u MLA ka Nartiang, u Sniawbhalang Dhar, ka NPP State Spokesperson, ka Dr. Mazel Ampareen Lyngdoh deilang wa kiwi kiwa yahkhmat ka NPP kam u Kimfa Sidney Marbaniang, u Kennedy Cornelius Khyriem, u State Secretary, u Bajop Pyngrope deilang wa kiwi de deiwa emlang ki hajar ngut ki paidbah wa kyrchaan ya oo.

Share this:
Previous

Iñ i yung wa soo mala ha Mawbah, wiar ar ngut ki khynnah, pdung leh u tadong LPG

Next

Wiar uwi u khon ksaw