Ha ka ka 16 tarik uni u bnai kiwa ha khmat ka seiñ NPP, BJP, NCP wa PDF ha ka chnong Sahsniang ryngkat wa kiwi kiwi da psiah ki cha ka Party UDP ha ka yalang wa man ha chnong Sahsniang wei kini ki dkhot thymme da em ki waroh 510 ngut kynthai wa chynrang. Da pdiang burom ya ki cha ka Party UDP da u President ka Party UDP 4-Mowkaiaw Constituency, u Eleazer C Dkhar ryngkat wa u MLA ka thaaiñ u Nujorki Sungoh.
Kiwa yahkhmat ka NPP, BJP, NCP wa PDF kiwa da psiah cha ka UDP kynthup ki ya u Shitom Hadem, Runas Rabon, Rister Tang, Kartos Sayoo, B Lapasam, Kerich Rabon, Kodarios Ymbon, Meperson Rabon, C. Lathong, Perus Lamare, Langbor Lapasam, Rimi Biam, Embaitmi Lamare, ka K. Lamare, ka I. Suchiang, Donlang Lathong, Biang Syngkon, Dapoi Synnah, Kobarsil Shadap, Bios Sten, Mardios Shadap, Malni Sten, Brighstar Bhoi, Loukas Dkhar, Nibun Synnah, Ngaitsuk Suchiang, Shimpor Shylla, Heibormi Langstang, R. Lyngdoh, H. Ksoo deilang wa kiwi kiwa kyrchaan ka NPP, BJP, NCP wa PDF kiwa em kamwa 479 ngut.
Kini kiwa yahkhmat ka NPP, BJP, NCP wa PDF da ong ki wa em u kyrtong na chnong yong ki u Habahun Dkhar uwa yaleh na ka NPP wei ymtoh iwa phylla i daw wym ye ki u kyrchaan ya oo. Tangwa ya u Nujorki Sungoh uwa man MLA katni da man sakhiat u uwa yahkhmat wa pait wa sylli yei eh ki khor ka chnong hapoh ka Constituency khlem em i leh arsap heiwa da wanrah u ya i roi i paar sakhiat, weiwa man u uwa mihkhmat wa khooid uwa ym em i baam-tooh wei ini toh katkam wa klam kiwa jooh kyrchaan ya u Gillbert Sten ha ka Election MLA wa dadep wa kamjooh kiwa kyrchaan ya u Habahun Dkhar ha ka Election MDC ha Sahsniang kamjooh kiwi kiwi.
U Nujorki da pynsñiaw u leh yei kmen wa khroo hawa yoh u yoo yei wan psiah dkhot cha ka UDP dei ngaitskem u leh wa i wan yong ki waroh pynyoo i yei chaniah wa khroo ya oo deiwa kyntu leh wa ymtoh u chah pynbiej ki paidbah ha i bor ka spah poisa neibhah ini yah i cha ka luti wa sih.
Da kyntu u leh ya waroh wow em i mynsien wow pyrkhat jngai neibynta ka Constituency wei ymtoh u chah dai ko ha kiwi tawon wei emkaam leh u em i sñiawthooh ha waroh wow em i pyrkhat neibynta ka yap ka im ka jaitbru hapoh ka ri wa ka jylla.
Heijooh i por ym em u dooh mynsien u neibhah ki paidbah na kiwi kiwi ki Party da boon kiwa emlang wa oo katni wei i jop yong oo toh i jop ki paidbah ka Constituency waroh kawi neibhah hapoh ka Constituency boon du ki bru wa stat.
Da kyntu u leh ya waroh wow kyntait ya kiwa pynbaad ya oo wei wow yieñ skem ki neibynta ka mynried yong ki khnang wow ye u wanrah yei naam wa i burom ka Constituency.
Kani toh katkam ka Wyrta na u Eleazer C Dkhar.
