Jowai: Ka Dikme N Sangma ha kani ka 10 tarik da ujor ko wa hadien wa tipmit ko ya uwi u bru lyngba ka Internet ya u Remey Moore nadooh 28-12-17, ha u Duyatra (January) 2018, u Remey Moore da paan u ya i pyrtuid yong i thaw sah (Address) yong ka yow phah ya ki tiar ki tar wa e sñiawbha u ya ka chirup waka poisa.
Hadien ini da yoh phone ko wa da em ki tiar yong ka kiwa poi wei da phah ya ka wow su poisa ko yow pynlait kini ki tiar ko.
Katkam wa phah kiwa phone ya ka da thap poisa ko cha ka Account yong ki hadooh T. 2,09,500 tangwa hadien wym poi ki tiar da sñiawthooh wa da chah thok ko.
Ha ka 2 tarik uni u bnai uwi u bru wa tip kam u Laplish Ch Marak da ujor u wa da thied u ya kawi ka bol Footbal lyngba ka Snapdeal wei hadien da yoh SMS u wa da jop u ya kawi ka kari lyngba ka Lucky Contest.
Da phah ya oo wow thap poisa u T. 35,070 yow kam ya kani ka kari tangwa hadien wa ym em poi ka kari da sñiawthooh u wa da chah thok u.
Ini waroh ym toh man i iwa thymme hadooh wa ki pulit neipor cheipor da pynbna ki wow man kiwa husiar khamtam manda em kiwa paan poisa yow ye u poi ki tiar ki tar neibhah da tikna toh wa man ki ki kaam thok lut.
Discussion about this post