Pteiñ i pynpoi suk ka sorkar Meghalaya ya kiwa lai puræ ha Manipur

I wanrah ya kiwa chong chnong ka Meghalaya kiwa em ha Manipur da pteiñ i hapyrdi i klumar wa joor khamtam kiwa lai puræ ha Imphal kiwa dapoi ha Guwahati Airport, lait na ki ar tylli ki lieñsuiñ ka Indigo, wei da pynbiang leh ya ki ar tylli kiwi wa kynthup ya ka Alliance Air wa ka Air India khnang wow ye u leh yeiwa emkaam yow wanrah biang ya kiwa chong chnong.

Ynru tylli ki kari da yang chwa ki ha Guwahati yow lai booh ya kiwa chong chnong cha Shillong wa Tura lyngba ka chnat Pohyung ka jylla heiwa ynne da em sa 70 ngut kiwa da poi yung.

Da em leh arngut ki sahep sorkar Meghalaya ha Imphal wow e yei ya krehlang yow pynpoi ya kiwa chong chnong cha ki yung ki sem wa kynthup ya u Peter Passah, Additional Deputy Commissioner, East Khasi Hills wa u John Danggo, Assistant Inspector, Excise, East Khasi Hills.

Booon ngut ki khynroo khyllood da wanpoi ki cha ka jylla da ki lieñsuiñ wa da pykhreh kyrpang wei daw em chooh chooh kini ki lieñsuiñ.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Kawi na ki khyllood wa da poi suk cha yung da ong ko wa ym tip de hadooh katwon i kulmar da joor i tangwa du hadien wa kiwa pynlai Hostel ym mih de ki cha lait neidaw wa joor poor smat i kulmar da sñiawthooh katwon da maa i long i man, da ong ka Ajakshera Momin.

Da sñiawngooh ko leh ya ka sorkar yei smat ki wow pynbiang ya ki lieñsuiñ wa ki kari ya ki nadooh wow li choo wei wow pynbiang yei baam i dih ha luti syngkieñ khlem iwon iwon i thut khlem da ieh ya ki chiteiñ luti deiwa pyntikna wa poi su ki ki cha yung.

Ha ki sngi wow wan kiwa lai puræ kamjooh kiwa chong chnong daw liwan ki kamni:  

Ha ka 8 tarik heipor 10:10 i step daw em 17 ngut kiwa daw liwan cha Shillong wa 19 ngut cha Tura wei ha ka jooh ka sngi heipor 3:00 waje i sngi daw em 4 ngut kiwa liwan cha Shillong wa 29 ngut cha Tura.

Ha ka 9 tarik heipor 1:50 i sngi daw em sa 15 ngut kiwa daw liwan cha Shillong wa 11 ngut cha Tura wei heipor 6:50 i miet daw em 2 ngut kiwa daw liwan cha Shillong.

Ha ka 10 tarik won heipor 10:10 i step daw em uwi wow liwan cha Shillong wa 4 ngut cha Tura katwa heipor 3:00 waje i sngi won daw em 3 ngut kiwa liwan cha Shillong wa 6 ngut cha Tura.