15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pteiñ ka HYC wow pyrchah ya ka rel kit mar wa kawa kit bru

Advertisement ad1
Advertisement ad1
Advertisement ad1
Advertisement ad1

Ka seiñ HYC da phylla ko wow yoo wa ki seiñ saiñ hima wa da sdang klam biang ki ya ki luti rel ha Ynñiawtrep deiwa kylli wa em iwon iwon cha ini ini waroh.

Ka seiñ da klam che ko wa pyrchah ko ya ka luti rel nadooh kiwa kit bru hadooh kiwa kit mar deiwa ong wa ym kwah ko wow klam næ mutdur rel kat wympu yoh ya ka Inner Line Permit wei wa ki aiñ wow khoom u kdoh yei wan tooid ki baar jylla chapoh Meghalaya.

“Pynkrehkaam chwa ya ka ILP wa kiwi ki aiñ yada wei du hadien ini ye wow yaklam phyllu yumut ya ka luti rel” da ong ka seiñ.

Da ong ko leh wa ym sñiaw yahaap ko wa i kam wow em ki rel kit mar neibhah wa ki rel daw lait bait ki khamtam kitu ki rel kiwa lai lyngba ka jylla neibhah wa daw man i kam wow chah ya ki dohlieh wow chna sarok wei wer pa wer daw yoh ki wow synchaar ya ka jylla.

Ka HYC da pynsñiaw ko leh ha ka sorkar India wa ka sorkar jylla wa ham chim kabu ya i man i long ka khlam COVID-19 wow chna ya ka luti rel hapoh ka ri u Ynñiawtrep.

Chooh chooh ka seiñ da ekhublei kyrpang ko ya ka KHADC wa da chim ko ya ka rai wow dam u e NOC wow chna luti rel deiwa kyntu leh ya ka JHADC wa ki tre thaw kamjooh ki dorbar chnong, dorbar raij wa ki dorbar hima wow pyrchah ya ka luti rel.

Share this:
Previous

Ym em kawon kawon ka Test kawa man tikna 100%

Next

Maham ka BJP wow dam noh u kyrchaan yaka MDA lada ym takit yei baam tooh ha JHADC wa GHADC