15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Maham ka BJP wow dam noh u kyrchaan yaka MDA lada ym takit yei baam tooh ha JHADC wa GHADC

Advertisement ad1

Shillong: Ka Bharatiya Janata Party Meghalaya Pradesh ynne ka sngi da dawa ko na ka sorkar pyrdi wow thung ya ka takit da ka Central Bureau of Investigation (CBI) hajrong i baam tooh yong ka Jaintia Hillls Autonomous District Council wa Garo Hills Autonomous District Council ya ka Special Assistant Grant kawa toh ka mang poisa cha ki District Council na ka sorkar pyrdi.

U Ernest Mawrie uwa man u President ka BJP ha Meghalaya da pynbaad u wa da em i baam tooh wa joor ha JHADC wa GHADC, neibhah 40% na katai ka poisa leh ym em pynemkaam hok. Da ong wa ha JHADC ka Executive Committee wa yahkhmat da ka NPP da pynemkaam bakla ya katai ka poisa.

Da pynbaad leh wa ha Jaiñtia Hills da lai lait ya ka rukom pynemkaam ya ka poisa kamwa da phah ki kyndon ka NITI Aayog. Uwa yahkhmat ka BJP da pynbaad u wa ka Executive Committee ha JHADC wa yahkhmat da u Thombor Shiwat da pynemkaam bakla ya ka poisa wa da e ka sorkar pyrdi, neibhah heithaw wow pynkrehkaam ya ki kaam pynroi da pynemkaam wow su ya ka tulop ki wakreh hadooh T.20 klur.

U Mawrie da pynbaad u wa ka EC ha JHADC kawa da emlang ka UDP wa ka NPP ym bien ki wow chimlang ya ki MDC yong ka BJP kiwa em le ngut hanla ki ya emlang ki ha ka sorkar MDA ha ka jylla, wei ini i leh yong kini ki ar tylli ki Party man ko iwa ym ye wow pdiang, katwa ha GHADC wa synchaar da ka NPP waka BJP, tangwa da em du uwi u MDC uwa em hapoh ka Executive Committee.

Uwa yahkhmat ka BJP da ong u wa lada ka sorkar MDA u pteiñ ko wow leh beinah ya kiwa mihkhmat ka BJP, ka Party daw hap ko wow chim leh ya i rai wow dam noh wow kyrchaan yaka sorkar wa yahkhmat da ka NPP ha ka jylla.

Katkam i ong u Mawrie, ya ka Special Assistant Grant da pynemkaam bakla ha GHADC nadooh u CEM warim, u Dinang T Sangma wei kamjooh u CEM wa katni u Dipul R Marak.

Da pyntip u wa lyngba katai ka Scheme wa kyrpang ka sorkar pyrdi, da e ya kam ka Twinkle L Sangma wow chna ya ka Documentary Film kawa poi hadooh T.5.52 klur. Da kylli leh wa kammon wa da pynemkaam ya ka poisa hadooh palat T.5 klur du ya ka Documentary Film, wei da pynrap wa daw dawa na ka sorkar pyrdi wow sangeh noh ya i phah poisa lada pynemkaam bakla.

U Mawrie da ong u wa neibynta wow pynkreh ya ki kaam pynroi ka sorkar pyrdi ha ka mang tyngka yong u snem 2015-16, da e cha ka KHADC T.133.12 klur, cha ka GHADC T.100.71 klur wa cha ka JHADC T. 33.37 klur. Ha u snem 2019 da phah biang ya ka poisa cha ka KHADC T.34.87 klur, ka GHADC da yoh ko T.31.40 klur katwa ka JHADC da yoh ko T.11.62 klur, katwa ha ka sien kawa ar u jooh u snem, ka KHADC da yoh ko T.15 klur, GHADC, T. 13.60 klur wa ka JHADC da yoh T.5.10 klur.

U Lakhon Biam uwa man leh u MDC ka Party ha JHADC, da ong u wa katkam ki kyndon wa da booh da ka sorkar India lyngba ka Ministry of Finance, da e yarap lyngba ka SAG nadooh u snem 2015-16 wow pynemkaam neibynta ki kaam pynroi ha ki District Council wei ym ye wow pynemkaam da kamwi. Tangwa u CEM, u Thombor Shiwat da pynemkaam u T.20 klur wow su tulop ya ki wakreh iwa man pyrchah ya ki kyndon. Katwa ya ka poisa yong ka Council da pyntip u wa da pynemkaam neibynta wow su ya ki bru wa yajan wa kiwa em ha i bor (EC) T. 50 hajar haduh T. 1 lak uwi, katæ leh ya kani ka poisa ym em e bait cha ki Account yong kitu kiwa yoh, wei hawa kylli ha ka dorbar, da ong wa ya ka poisa da thap ha ki Account ki MDC neibhah wa ya kitu kiwa toh u yoh ym em ki ya ka Bank Account.

Share this:
Previous

Pteiñ ka HYC wow pyrchah ya ka rel kit mar wa kawa kit bru

Next

Pynyasoh kiwa kyrchaan u Kyrmen kam ki dkhot wa pura yong ka UDP Khliehriat Circle