Pteiñ ka kynmoo warom ya ka thong wow pynkylla ya ka ri sa ha Mairang

Shillong: Ka yakhih laitlooid ka ri India wa tip kam ka ‘Quit India Movement’ hapoh i yahkhmat u Mahatma Gandhi da poor ko cha waroh ki chnong ka ri wei waroh da embynta lang ki khlem pyrkhat ya ka pher jaitbru, ka pher niam hadooh wa da pynlaitlooid ya ka ri ha 15 Naisaphra 1947 iwa man 5 snem wa sdang ya ka ‘Quit India Movement’.

Kam chibynta wow lehwarom yei lyngkhooh dap 75 snem ka Quit India Movement iwa mut ha u snem 2022 da rai wow booh ya ka thong wa ha kini ki 5 snem u pynkylla dur noh ya ka ri India ‘Sankalp se Siddhi’ namo wow raikut wow pynman ya ka ri India wa thymme.

Hei yatoh wa ini ha ka 26 tarik uni u bnai ka Krishi Vigyan Kendra (KVK) West Khasi Hills, da pynman ki ya ka lehkmen wow raikut wow wanrah yei kylla hapoh ka ri waroh kawi ya kawa da sdang nadooh uni u snem hadooh u 2022, wei ya kani ka lehkmen da pynman ha Tirot Sing Memorial Hall, Pyndengumiong Mairang.

Ha kani ka sngi da wan u Vincent Pala, MP kam u kongsan hei emlang ka FM Lakiang, SDO (C) Mairang Civil Sub-Division, u S. Warjri, EAC Nongstoin, ka B. Nongkhlaw, Sub-Divisional Agriculture Officer, Mairang, Dr. D Pasweth, Senior Scientist and Head, KVK West Khasi Hills, ki waheh chnong, ki warep na kylleiñ ka Mairang Civil Sub-Division wa kiwi kiwi.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Waroh kiwa em ha kani ka sngi da chim ki leh ya ka kular yow pynman ya ka India wa thymme ha u snem 2022; ka India wa lait na i baam-tooh, kawa khooid, kawa lait na i dooh i duk, kawa yatylli ka wym em i sñiaw yaphær jaitbru. Ya kani ki ktein khlai kular da yahkhmat da u Vincent H Pala.

U Pala hei klam yong oo da ban joor u yeiwa emkaam u pynbiang yeiwa emkaam ki warep kam ki symbe wa bha, i sboh, ka rukom pynpoi um cha ki hali (irrigation facilities) yow pynku yei yoh i kot yong ki.

Da pynchlur u leh ya ki warep wow yada ya ki mar rep yong ki deiwa booh Insurance hapoh ka Pradhan Mantri Fasal Bima Yojana kawa sdang ka sorkar pyrdi ha u Thohlakhmi (Feb) 2016 neidaw wa ki mar rep wa jooh chah ktah bha ki hei bor ka rymaw. Hapoh kani ka scheme ki warep haap su ki du 2% na i dor ki mar wa booh Insurance ki ya ki jhoor wa rep ha ki bnai wa em u slap katwa ya ki jhoor wa rep ha ki bnai wa ym em slap ki bnai wa dait thah haap su ki du 1.5%.

Ha kani ka sngi da yoh leh ya i sikai na u Utpal Bezbaruah, District Development Manager, NABARD Nongstoin hei yatoh wa i ri mrad wei da e laad leh ya ki warep u kylli ki yei wym tip ki na ki Scientist wa emlang ha kani ka sngi.