Ynne ka sngi u Chairman ka JHADC uwa man leh u MDC ka 29 Bataw-Lakadong Constituency u Dr. Sankey Shangpung da pteiñ u wow pynlait yarap cha ki paidbah ka Constituency lyngba ka Scheme SAG 2019-20 wa SAG 2020-21.
Ynne ka sngi da sdang i e yarap ya ka Balang Presbyterian Dienshalalu heiwa da ekti ya ka da ka Generator wei da e yarap leh ya ka Dorbar Chnong Dienshalalu da ki chuki 50 tylli wei heipor wa ekti ya kini ki chuki da em ka yalang wa tbian.
Ha ka yalang ha Dienshalalu da yoh yei klam na u Tbn. K. Phawa, u Waheh Chnong u Mewan Dkhar wa na u Tbn. B. Rymbai.
U Dr. Sankey ha kani ka jooh ka sngi da e yarap u leh ya ka Balang Catholic Lumshken da ki 50 tylli ki chuki heiwa da yoh yei klam na u Yoowest Khaii uwa man u Adviser ka Balang wa na u Suni Bareh uwa man leh kam u Secretary ka Balang.
Neiliang kiwa klam da ekhublei ki ya u Dr. Sankey wa da man u u MDC uwa chynna jngai yei emkaam ki paidbah ka Constituency deiwa kitbok kitrwiang leh ya oo ha ki kaam yong oo.
