Hadien wa sdang mih boon i pyrchah yei pynemkaam bakla ya i tika COVID-19 wa khamtam i pynbaad na u montri ka sorkar pyrdi, u Prakash Javedkar wa ka sorkar jylla Punjab da dai ko ya i tika COVAXIN cha ki thaw sumaar ki bru samen palat ya i dor wa da thied ka sorkar pyrdi, ini da pynbor i ya ka sorkar Punjab wow takit hajrong ini waroh.
Ynne ka sngi u State In-charge for COVID Vaccination ka jylla Punjab, u Vikar Garg da ong u wa i ekti ya ki tika neibynta kiwa 18-44 snem i rta cha ki thaw sumaar ki bru samen (Private Hospital) ym em u chimkhia yeini, kamtæ da rai wow pyndam noh ya waroh i ekti ya kini ki dawai tika cha kini ki thaw sumaar.
Da rai leh wa ki thaw sumaar ki bru samen toh u pynuiñ ki ya ki dawai tika wa dang em ha ki wei ka poisa wa da su kini ki thaw neibynta ka bai tika leh u pyndong noh cha kini ki thaw sumaar.
Kam wow kdaw heini, u Prakash Javadekar da pynbaad u wa ka jylla da yohnong ko deiwa dai ya i COVAXIN ya kiwa da thied du T. 400 chisien e naka sorkar pyrdi tangwa da dai ya ki ha ki 20 tylli ki thaw sumaar samen ha i dor wa T. 1,060 chisien e.
