Pyllait paidbah ka Congress ya ka Election Manifesto yong ka

Jowai: Ka Indian National Congress (INC) ynne ka sngi da pyllait ko ya ka phang kreh Election namo ka Election Manifesto yong ka heiwa ha Jowai ha ka yalang wa pynman ha Iawmusiang da emlang u Vincent H Pala, MP heipor wa pyllait ya ka, u Deputy CM u Dr. RC Laloo, u CEM ka JHADC u A. Andrew Shullai uwa man leh heijooh i por u kyrtong ka Congress na Jowai Constituency wa kiwi kiwi.

Ha kani ka Manifesto ka Congress da kular ko wow pynku ya ka puræ puthi yow pyntikna ym em wow dam skur chiteiñ por deiwa chna ya ki skur wa thymme kiwa biang nadong chadong kiwa da em bordiñ, ki paikhana ya chynrang wa kynthai, ki Library, ki madan yalehke hadooh ki sarok wa paka yow poi cha ki skur wei u chna leh ya ki Hostel neibynta ki kynthai.

U pynembor ya ki khynroo khyllood deiwa e sikai ya ki ya kiwa boon jait wa emkaam yow ye ki u yoh kreh kamjooh wow seiñ khih.

Heijooh i por leh da kular wow pyndooh pyndam noh ya u Drug napoh ka jylla neidaw wa katni da boon wa ngop ha kiwa boon ki jait dih pynmuaid.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da kular leh wow chna ya ki yaaw neibynta ki kynthai ha Shillong, Jowai wa Tura wei u pteiñ u yarap ya ki Women’s Self-help Group (SHG) lyngba ki kaam soor, kaam thain wa i psan mrad katkam wa dawa ka yaaw ka hat.

Hei yatoh wa ka kaam uiñke suwari won da kular wow sdang ya ka Helicopter Taxi Service wei wow pynchlur yei pynemkaam ya ki lieñ Kayak ka wow taan ya kiwa uiñ suwari wa ka-it ya kam ki yalehke wa tip kam ki Water Sports.

Da kular leh wow pynman ya ka rep ka riang kawa yoh nong deiwa yarap ya ki warep wow pyemkaam ki da i stat sayan wa katkam ka juk wa katni.

Ha ki kaam ka chait ka khiah won da kular wow pynku kyrdan ya ki Primary Health Centres wa ki Community Health Centres yow yoh ki paidbah ya ka sumaar wa paka.

U pyntikna waroh kini ki thaw sumaar u biang lut ki ki wakreh nadooh ki Doctor ki Nurse wa kiwi kiwi.

Da kdaw leh wa ka jylla Meghalaya da man ko kawa chong suk heiwa da wiar i khut khang chnong kamjooh da pynwiar ya kiwa boon ki seiñ kieñ suloi.

Da kular leh wow pynheh ya ka Shillong Airport, u chna ya ka Mono Rail heiwa da dep pynman ya ka Survey wei kattu su sdang chna noh ya ka.

Da em leh kiwi ki kular wow chna ya ki sarok, u chna ya ki karkhana, u wai ya ka kahyi pateiñ waka ri Bangladesh wa kiwi kiwi.