Pyllait paidbah ka HYC ya ka Documentary Film wow pynkynmoo ya ki paidbah ya ki phang dawa wa sahteiñ ka seiñ

Shillong: Ka Hynniewtrep Youth Council (HYC) ynne ka sngi da pyllait paidbah ko ya ka Documentary Film kawa da e pyrtuid “Ki aiñ ban iada ia ki hok trai ri”, kawa man leh kam chibynta ka yakhih yong ka seiñ lyngba ka Save Hynniewtrep Mission.

Hawa klam u General Secretary ka HYC, u Robert June Kharjahrin ynne ka sngi da pyntip u wa i thmu ka seiñ toh wow pynsñiawthooh paidbah ya ki phang dawa ka seiñ wa kynthup ya ka ILP wa ki 13 tylli kiwi tawon.

ADVERTISEMENT

Da pyntip u wa ya kani ka Dcoumentary Film daw booh ha Youtube khnang wa ki paidbah u yoh ki u pait wei wow pynpoor ya ka lyngba ka Social Media.

Da ong u leh wa kani ka Documentary Film da batai che ko ya ki phang dawa ka seiñ wei da phiah ya ka ha kiwa boon ki bynta wei jrong ko kamwa 2 kynta.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da kyntu u ya ki paidbah wow pynlut yei por yong ki ha kani ka Docmentary Film ka seiñ yow yoh myntoi ki kamjooh wow pynwyrngia pyn daki yaki hi.

Ha iwi won i liang ka HYC da pynsñiaw ko yei ma wa yang ya ka jaitbru deiwa pteiñ biang ka NFR wow chna biang ya ka luti rel kawa pynyabi ya ka Tetelia, Assam chadooh Byrnihat, Ri-Bhoi District.

U Robert da ong wa i ma wa khroo ya ka jaitbru toh ini i chna biang ya ka luti rel khlem em ki kyndon ka aiñ wow pait ya i psiah i mih ki baar jylla.

Da dawa u leh na ka sorkar wow phah ya ka NFR wow sangeh noh ko kattæ hiwot yei chna ya ka luti rel.