Pyllait paidbah u Justine Dkhar ya ka Ambulance wow chakri ya ki 5 chnong

Jowai: U MLA ka 6-Khliehriat Constituency u Justine Dkhar ynne ka sngi da pyllait paidbah u ya ka kari kit wa kjut namo ka Ambulance ka wow chakri ya ki 5 chnong ka Mutong, Lumshyrmit, Mukha Ialong, Pynthorsale wa ka Cham Cham na ka schme S.R.W.P 2016-17.

Ha kani ka sngi ha ka yalang wa pynman ha Mukha Ialong da emlang ki waheh wa sian kini ki 5 chnong chirup wa u MDC ka 22-Musniang-Ryngad u Phasmon Dkhar, u MDC warim u Helping Phawa wa ki dkhot ki Committee ki chnong kiwa da yaroh ya u MLA wa da pyrkhat jngai u neibynta kiwa dooh wa duk.

U Phasmon hei klam yong oo da ong u wa u MLA toh uwa pyrkhat ya kiwa dooh wa duk uwa smat wow yarap ya ki katwa ye u wei ha kini ki 5 snem da leh u ya ini lyngba kiwa boon ki Scheme wei lada ki paidbah jied biang ki ya oo, daw pteiñ u ya kini ki kaam wa bha.

Da ong chooh chooh u wa u Justine toh u MLA uwa da e Ambulance wa boon dooh cha ka Constituency yong oo katkam wa emkaam ki piadbah ki.

Related posts

Hadien chi sngi wa wai chah khang ka khyrdop ka KHADC

May 20, 2025

Deiwa khut ka ISI lai u Gaurav Gogoi cha Pakistan: Himanta

May 18, 2025

Neiliang u MLA won da ong u wa da e u da ki Ambulance toh neidaw wa ki paidbah emkaam bha ki ya kini ki jait kari heipor wa kjut wa chitom ki wei deiwa em ko hajan daw yarap bha ko ya ki paidbah. Kamtæ da kyntu u ya ki paidbah wow chimkhia ki u sumaar ya kani ka kari wei wow pynemkaam hok ya ka khlem pait chilliang.

Da ong u leh wa da pyrchang u wanrah ya kiwa boon ki kaam yow kyntu ya ka chnong ka thaw kam wow chna sarok yow poi cha ka kchaaid Rynji neibhah ka man ko kam kawi na ki thaw wa pawnaam hapoh ka ri-loom Jaiñtia. Da pteiñ u deiwa ong wa ki kaam wa yatoh wa ka uiñke suwari toh kawa yoh nong bha wei kawa neh yanom lada syndong i ya iwa da e ka Bei Rymaw.

Da pynkut u deiwa ong wa lada jied biang ki paidbah ya oo daw pteiñ u chakri ya ki paidbah wei kam uwa mihkhmat da man ko ka thong wa ha khmat dooh wow kreh neibynta ki paidbah.