15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pyllait u Modi yaka poisa naka PM Kisan cha ka ki 6 klur ngut

0 Comments

U Prime Minister Narendra Modi da saam u yaka Agriculture Minister’s Krishi Karman Award cha ki warep kiwa rep katkam i por wa katni haka yalang wa pynman ha Tumkur, Karnataka ynne ka sngi. Da pyllait u leh yaka bha wa leh namo ka 3rd Installment ka PM Kisan (Pradhan Mantri Kisan Samman Nidhi) wa T. 2000 neibynta u December 2019 – March 2020. Ini toh ya kiwa yoh myntoi kiwa da em kamwa 6 klur ngut wei da saam u leh yaki Kisan Credit Cards (KCC) cha ki warep wa da chah jied hapoh Karnataka.

Hawa e yei klam, u Prime Minister da ong u wa katwon sñiawkmen u wow yoo yaki para warep ha uni u snem thymme kawa man leh i sdang ka 10 snem wa thymme, wei da e khublei u yaki neibynta waroh kiwa em hapoh ka ri yei kreh chitom yong ki.

U Prime Minister da ong u leh wa ka Karnataka da sakhi ko ya i wow sahkynmoo heiwa ka poisa hapoh ka PMKISAN Scheme da lai bait ko hapoh ka Bank Account kiwa yoh myntoi kiwa da jan poi 6 klur ngut ki warep hapoh ka ri. Da pyntip u leh waka poisa wa da dep pyllait da poi ko T. 12,000 klur.

Da yooluti u wa ki jylla ki wym pu em pynkrehkaam yaka ‘PM Kisan Samman Nidhi Yojana’, daw leh noh ki wei ki seiñ saiñhima sima u mylliñ ki yei sñiaw yaphær yow yarap ya ki warep yong ki hapoh ki jylla yong ki.

U PM da ong u leh wa nachwa da em ki por hapoh ka ri wa manda phah chi tyngka cha kiwa dooh wa duk, du 15 Paise u poi cha kiwa toh hok wow yoh. Tangwa katni da poi lut ka poisa deiwa ym em de ki bru wa pynwit ya ini.

Da pyntip u leh wa na i leh chitom ka sorkar, i pynmih kamjooh i challan ya ki musli musla cha baar ri leh da ku bha i. “I pynmih musli musla hapoh India da ku i da palat 2.5 million ton, kamtæ i challan cha baar ri leh da ku naka T. 15,000 klur cha ka T. 19,000 klur.”

Previous
Next

0 Comments

Leave a Reply