U Montri kaam yada ri, u Rajnath Singh ynne da pyllait u ya ka Directorate General National Cadet Corps (DGNCC) Mobile Training App wei kani ka App daw yarap ko wow esikai ya ki NCC Cadet.
Hadien wa em ka khlam u COVID-19, i esikai ya ki dkhot ka NCC da chah ktah bha i neidaw wa da khang ki skur wa ki College wei ym tikna mynnu u wai ki kamtæ da sñiaw emkaam wa ki dkhot ka NCC u chah hikai ki.
U Rajnath da yaklam u wa ki dkhot ka NCC lyngba ka Video Conferencing heipor wa pynlait ya kani ka App.
Da ong u wa kani ka App daw yarap bha ko ya ki khamtam ha kini ki por wa em ka khlam COVID-19.
Ka thong yong kani ka DGNCC Mobile Training App toh wow pynbiang ya ki esikai ya ki khynnah kam ki Syllabus, Précis, Training Video wa kiwi kiwi.
Ha kani ka sngi da emlang leh u Defence Secretary Dr. Ajay Kumar, Director General NCC Lt General Rajeev Chopra wa kiwi kiwi.
