Pyn kiwa kreh ka JHADC wa khrong poisa yow pyllait ya kiwa kit dieñ tooh

Jowai : Ki loom ha kylleiñ ka ri-loom Jaiñtia katdang mih kipor dang syllen ki neidaw wa ki bru yoh ki u deiñ dieñ katwa ngait.

Ki bor watoh u pait yeini nadooh ka sorkar wa ka tnat khloo yongka JHADC man ki kiwa tlot wei kiwa baampoisa yow pyllait wow chah yeini i deiñ dieñ kit dieñ tooh ki bru.

Ha ka step synñiaw yongka 31 tarik Naisan (May) da chem yaki truck wa kit dieñ kubid ha Nartiang Sub-Beat Office yong ka Tnat khloo næ Foreat Ka JHADC wa em heini.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Kani ka thaw toh u man ko kawa em kiwa kreh ka JHADC wei toh u check ki yaki kot ki sla kam ki Challan ki TP wa kiwi kiwi na ki truck kiwa kit dieñ.

Heini ha kani ka step da em ar tylli ki truck kiwa em ya u No. ML 06 7936 wa kawi ka truck wa em No. ML 04 A 6647.

Heiyaklam wa kiwa yah ya kini ki truck da ong ki wa da dep su ki T. 500 ha kini kiwa kreh yow pyllait ki ki neibhah wym em kot em sla ki.

Kini ki dieñ chondor ki kamwa T. 40,000 hadooh T. 50,000 chi truck wei da thmu wow kit yaki cha Byrnihat, Ri Bhoi District lyngba u sarok khloo na Nartiang cha Nongpoh.

Kini kiwa yah da ong ki leh wa tymbud luti kat hawa em kam kini ki yungkhrehkaam ka JHADC haap bait ki u su T. 500-1,000 chi truck.

Uwi na kiwa yah da kynnoh u wa kawi ka taxi kamai wa yieñ hajan ini i thaw kawa em u No. ML 04 B 6158 heiwa uwa yah ya kani ka kari kamai da chim u T. 500 na uwi na kiwa yah.

Neiliang uni uwa yah da ong u wa chim u yaka poisa katkam wa phah uwa kreh ha JHADC uwa tip pyrtuid kam u Kooh na Khimmusning weiwa kani ka kari leh toh ka yong ute uwa kreh ha JHADC.

Du hadien ini uni uwa kamai kari da pynuiñ noh u yaka poisa T. 500 cha uwa yah truck. Haistep ki pulit na Nartiang PIC da yah ki ya kini ki truck wa kiwa yah cha Nartiang yow takit yaki.