Ka seiñ wa tip kam ka All Meghalaya Minorities Students’ Union (AMMSU) da pynsñiaw ko yei pyrchah wym em mih pyrtuid kiwa man kam ki Non-Tribal kiwa chah jied cha ka Personal Interview ha ki kaam pulit. Kamtæ da dawa wow pynkylla noh yei pyrtuid kiwa chah jied wow kynthup lang ya kiwi ki jaitbru.
Ha ka ujor wa da e ha u Chairman ka Central Recruitment Board ha Shillong, neiliang kani ka seiñ da pynbaad ko wym em bood ya ka Reservation Policy hawa pynman ya kani ka yaleh kreh pulit wei ym em leh bood ya ka Roster System katkam wa da phah da ka High Court ka Meghalaya.
Kamtæ da dawa wow pynkylla noh ya ini i rukom jied ya kiwa lehkreh deiwa pynyoh leh yei hok yong kitu kiwa chong chnong pura ka jylla.
Ka chnat pulit ha ka 27-03-23 da pynbna ko yei pyrtuid kiwa chah khut wow yaleh ya ka Personal Interview neibynta kiwa yaleh UBSI, UBC, ABC/BNC, MPRO, Firemen, Driver Firemen, Driver Constable wa Follower.
Ya kiwa chah jied wow wan yaleh ya ka Personal Interview ye phi wow yoh heini.
