Ka seiñ wa thmu wow pynman ya ka Gau Dhwaj Sthapana Bharat Yatra, da pynbaad ko ya ka Shillong Press Club (SPC) deiwa kam wym e thaw neibynta wow klam hajrong i thmu yong ki, wei kani ka pynbaad da mih na kini ki wym yoh u poi wot ha Shillong kamwa da paan por ki heipor 1:00 waje i sngi.
Katkam ka Video wa da pynlait da ki bru yong kani ka seiñ, da ong ki wym ye ki wow poi cha Shillong ynne ka sngi neidaw wa em i oor khyndaw khyndaw ha luti, tangwa iwa phylla won najrong wym em poi cha Shillong, da pynbaad kylla won ki ya ka Shillong Press Club wym e thaw ya ki, deiwa pynaad chooh chooh wym yoh hok wow klam laitlooid chapang ka Gau Mata.
Kani ka seiñ da paan bor ko na ka Shillong Press Club wow pynman yei klam hajrong ka Gau Dhwaj Sthapana Bharat Yatra, ha i por 1:00 waje i sngi, tangwa neidaw wym poi ki hadooh 2:00 waje, neiliang kiwa yahhmat ka SPC da Phone ki yow kylli, heiwa da jubab ki wa daw slem neidaw wym poi utæ uwa yahkhmat, katwa hei Video wa da pyllait da pynbaad kylla ki ya ka SPC.
Kani ka seiñ hapoh i yahkhmat u Jyotish Peethadheeshwar Shankaracharya Avimukteshwarandah da thmu ki wow pynbna lyngba ki laad pathai khubor wa daw pynyieñ ya ka Gau Dhwaj (lama masi) yow dawa na ka sorkar pyrdi yow pynbna wa ka masi toh ka bei yong ka ri namo ka Mother of the Nation deiwa wan ki ha ka 2 tarik u Naichiphaw wow wan ha Shillong wei u leh yeini i jooh ha waroh ki nongbah ka ki jylla ka ri.
Kam wow pynkynmoo heini wa ini i thmu kani ka seiñ wow wan da pynman ya ka Hynniewtrep Youth Council wow poi hakhmat ka Shillong Press Club yow yachem wa kini ki bru wei wow pyrchah yeiwa thmu ki.
Discussion about this post