Kiwa yaleh kreh DSC ka West Jaiñtia Hills District neibynta i kaam Lower Division Assistant-cum-Typist kawa da pynman ha u bnai September, 2025 katkam ka Advertisement No. DSC.3/ADVT/2012/254, dated: 25th January, 2025 da pynbaad ki wa em boon kiwa yoh u leh thok.
Da ong ki wa ha ki thaw pynman Exam da yoo ya kiwa boon kiwa thoh Exam kiwa da pynemkaam Mobile Phone hapoh ka Exam Hall iwa da pyndooh mynsien ya kiwa da pynkhreh hok wow yaleh ya ka Exam.
Da ong leh wa ym em kynreh dei miat ya kiwa yaleh Exam neibhah da yoh ki wow rahlang wa ki Mobile Phone chapoh ka thaw thoh Exam.
Najrong ini da ong leh kiwa pait ya ka Exam namo ki Invigilator ym em leh ki yei kaam heiwa da chong hi-eh ki wei em leh kiwa mih napoh ka Exam Hall katwa kiwi won da chong pait Phone donhi ki heithaw wow pait ki ya kiwa yaleh Exam.
Kini kiwa yaleh Exam kiwa da yoo yeini da ong ki wa ka DSC hadooh kattæ ym em khana ki iyi iyi leh chaphang kitu kiwa leh thok iwa da pynsñiawsih pynsñiawdiaw ya ki kiwa da kreh chitom da ki bnai.
Da dawa wa kitu kiwa leh thok toh u pynchitom ki katkam ka aiñ Public Examination (Prevention of Unfair Means) Act, 2024. Da ong leh wa kini kiwa leh thok toh kiwa da jooh leh ya kam kini ki jait kaam nachwa ha ki Exam ka DSC hadooh MPSC Exam khamtam hapoh Jaintia Hills.
Kamtæ da ong wa ya kam kini toh u pyndam noh yei pyrtuid ki wei lada mih i pytruid ki kam kiwa chah jied toh u pyndam noh ya ka Result ki najrong wow khang noh dei wym chah de wow thap pyrtuid ki hapoh ka DSC wa MPSC.
Da dawa leh wa ka DSC toh u pynmih pyrthai ko yei pyrtuid kini kiwa leh thok wei wow pynchitom ki katkam ka aiñ neibhah da pyndooh ki yei chaniah ki paidbah hei thung kreh sorkar.
Discussion about this post