Shillong: U Protem Speaker u Timothy D Shira da pynbaam smai u ya ki 58 ngut ki MLA kiwa dang dep chah jied cha ka yung dorbar kawa chiphaw yong ka Meghalaya ynne ka sngi.
Lait na u Dr. Mukul Sangma uwa jop ha artylli ki Constituency da baam smai u chisien katwa ka Williamnagar ym pu em MLA ko neidaw wa pynsangeh ya ka Election hadien wa chah tynyap u kyrtong ka NCP u Jonathone N Sangma.
Kini kiwa baam smai kynthup ki ya 20 ngut na ka Congress, 19 ngut na ka NPP, 6 ngut ka UDP, 4 na ka PDF, mar 2 ngut na HSPDP wa BJP wa ki 3 ngut ki MLA samen.
Ha kani ka yung dorbar kawa katni em le ngut ki manbei wa kynthup ya ka Ampareen Lyngdoh, ka Dikkanchi D Shira wa ka Agatha Sangma.
Ha kani ka yung dorbar kawa chiphaw da sakhi yei yoh u psiah kiwa mihkhmat wa thymme heiwa da em ki kamwa 3 bynta naka 4 bynta toh ki MLA kiwa dang chah jied nyngkong.
U MLA uwa khian rta dooh toh u Dasakhiat Lamare na Mawhati Constituency uwa em 25 snem i rta.
I jied ya u Lamphang ka yung dorbar u pynman ha kani ka 12 tarik wei neiliang ka liang synchaar wa yahkhmat da ka NPP da pynyieñ ki ya u Dr. Donkupar Roy na ka UDP katwa neiliang ka Congress dang pyrkhat ko ya uwon wow pynyeiñ ha kani ka kynti.
Discussion about this post