Kam chibynta i wai wei pynkyntang yaka Ram Mandir kawa em ha Ayodhya iwa daw leh haka 22 tarik uni u bnai, da em boon ki jylla ka ri India kam wow pynyoo yei burom ya kani ka sngi da pynbna ki da ka sngi khang kiad namo ka Dry Day neibynta kani ka sngi.
I pynkhreh wow wai noh ya kani ka Mandir toh iwa da lai chaait chaait chakhmat, wei neiliang u CM ka Uttar Pradesh kawa man leh ka jylla wa em kani ka Ram Mandir, da pynbna nynkong u wow khang dai kiad haka 22 tarik kam chibynta wow pynman ya kani ka sngi wa khooid wa kyntang.
Hadien ini da pynbood sa ka jylla Rajasthan kawa da dep leh wow pynmih hukum khang kiad ha katai ka 22 tarik.
Da pynbood leh da ka jylla Assam, neitæ ka Chhattisgarh waka Uttarakhand.
Ka BJP wa em ha kiwi ki jylla kamjooh ki Union Territory da dawa ki wow pynbna yaka 22 tarik kam ka Dry Day kam ha Jharkhand wa Delhi tangwa ym pu em pynbna ki hadooh wa pynmih yaka khubor.
Discussion about this post