Ka Bharatiya Janata Party (BJP) ynne da pynmih ko yaka thup wa san ki kyrtong wow yaleh Election Lok Sabha kawa em 111 tylli ki pyrtuid heiwa da em i pyrtuid u Naveen Jindal uwa man kam u heh spah wa u MP warim ka Congress uwa da psiah cha ka Congress, ka Maneka Gandhi wa kiwi de.
Deilang wa kini da emlang leh i pyrtuid ka Actress, ka Kangana Ranaut wei sa uwi u Actor wa jooh ak haka Ramayan, u Arun Govil.
Ka Kangana daw yakhun ko na Mandi Lok Sabha Seat ka Himachal Pradesh katwa u Arun won na Meerut, Uttar Pradesh.
Hawa klam hadien ini i pynbna ka BJP ka kam ka kyrtong, ka Kangana da pynsñiaw ko yei kmen wow yoh u yaleh Election nei chnong wa da kha ya ka wei da pynsñiaw ko leh yei sñiawngooh kamjooh i mynsien wow kreh neibynta ka Party wei kamjooh neibynta ki paidbah.
Discussion about this post