Pynbna ka ECI ya ki sngi pynman Election neibynta ki 5 tylli ki jylla

Ka Election Commission of India (ECI) ynne da pynbna ko ya ki tarik pynman Election MLA neibynta ki 5 tylli ki jylla kiwa kynthup ya ka Chhattisgarh, Madhya Pradesh, Mizoram, Rajasthan wa ha Telangana.

Neibynta ka Chhattisgarh da pynbna ha ki ar bynta (Phase-I wa Phase-II) heiwa hapoh ka Phase-I toh neibynta ki 20 tylli ki Constituency katwa ha Phase-II won neibynta ki 70 tylli ki Constituency. Ka sngi thap Vote neibynta ka Phase-I toh ha ka 07-11-23 katwa ya ka Phase-II won ha ka 17-11-23.

Neibynta ka Mizoram u pynman Election neibynbta waroh ki 40 tylli ki Constituency heiwa ka sngi thap Vote u man ko ha ka 07-11-23.

Ya ka Madhya Pradesh, ka Election u man ko ya waroh 230 tylli ki Constituency wei ka sngi thap Vote u man ko ha ka 17-11-23.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Ha Rajasthan ka sngi thap Vote u man ko ha ka 23-11-23 neibynta waroh ki 200 tylli ki Constituency.

Ha Telangana won ka thap Vote neibynta waroh ki 119 tylli ki Constituency u man ko ha ka 30-11-23.

Ha waroh kini ki Election ka sngi niaw Vote u man ko ha ka 03-12-23.