15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka MBOSE da ka Special Exam ya kitu wa dooh yaleh SSLC/HSSLC neidaw ka khlam

Kam chibynta wow e laad ya kitu kiwa dooh wow yaleh Exam SSLC wa HSSLC 2021 neidaw wa leh ka khlam, neiliang ka MBOSE da pynbna ko ya ki kyndon yow ye u yaleh ya kini ka Exam deiwa daw pynman da ka Special Exam.

Lada dooh wow yaleh Exam neidaw wa yoh ya u COVID-19, lane hap wow leh Quarantine, lane wa man kam ki High Risk Primary Contact kiwa yoh COVID-19, lane wa sah ha ki thaw wa man kam ki Containment Zone. Ya ini waroh hap wow pynsakhiat da ki kot ki sla wa yoh na ki bor sorkar wa pait ya ini i kaam.

U chah wow yaleh du ya kitu ki Subject wa dooh u lai yaleh neidaw u COVID-19. Ym chah wow yaleh ya kitu ki Subject wa da dep ki wow yaleh ha ka SSLC/HSSLC Examination, 2021.

Du deiwa e ya ka Application ym pyntikna wa daw yoh u yaleh ya kani ka Special Exam.

Ym chah wow kylla ya ki Subject.

Yow yoh u yaleh ya kani ka Special Exam, hap wow pyndap ya ka Form kawa ye u Download na ka MBOSE Website (www.mbose.in). Hadien wa pyndap ya ka Application Form deiwa sooh lang wa ki kot ki sla wa emkaam deiwa Scan, hap wow phah cha kini ki email ID ha namo chwa ka 21-06-21.

  1. Neibynta ka SSLC (Class X): [email protected]
  2. Neibynta ka HSSLC (Class XII): [email protected]

Ya kini ki kot ki sla lada ye u lai e katni lane hadooh wa kut ka Special Exam, ya kini ki kot ki sla (Application Form wa kiwi ki kot ki sla) toh u li e cha ka MBOSE Headquarters, Tura (neibynta ka Garo Hills) wa cha MBOSE Office, Shillong (neibynta ka Khasi Hills wa Jaiñtia Hills).

Ki tarik wa ki thaw yaleh Exam SSLC wa HSSLC daw pynbna ha ki por wow wan.

Share this:
Previous

Pteiñ ka RKM Sohra wow e yarap sa cha ki spah tylli ki manyung ka thaaiñ Nongjngi

Next

Dawa ka SBYWA wow thung Doctor chooh ha Bataw PHC