15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pteiñ ka RKM Sohra wow e yarap sa cha ki spah tylli ki manyung ka thaaiñ Nongjngi

Ka Rama Krishna Mission (RKM) Sohra toh kawi na ki seiñ kreh mon sñiawbha kawa da tia chaphrang wow e yarap cha ki spah tylli ki manyung ka Ri-loom Jaiñtia khamtam ha kini ki por wa em i khoom i kdoh neidaw ka khlam COVID-19.  

Ynne ka sngi ka RKM da wan e yarap ko 25 kg u khoo wa 5 kg u dai cha kawi pa kawi ki manyung wa emkaam yarap kam ha ini i por wa da chah ktah nei khoom i kdoh ka sorkar. 

Da ye ko wow e yarap cha ki 145 tylli ki manyung ha chnong Ionglwit, 65 tylli hapoh ka chnong Moorapushai wa 85 tylli hapoh Lumstong kiwa em ha ka thaaiñ Nongjngi, Thadlaskein Block ka West Jaiñtia Hills. 

Ya ini i lai e yarap da leh hapoh i yahkhmat u Manbha Lyngdoh uwa man kam uwa yahkhmat ka Mission uwa pait ya ka Ri-loom Jaiñtia chirup wa kiwa kitkaam ka RKM kiwa wan nadooh Sohra, East Khasi Hills. 

Hajrong ini neiliang kiwa kitkaam kini ki le tylli ki Dorbar Chnong da e ki yei sñiawngooh wa i e khublei ya ka Rama Krishna Mission Sohra wa kiwa kitkaam yong ka kiwa da theh i yarap cha ki manyung ki Dorbar Chnong khamtam kiwa duna hei yoh i la kiwa da dooh yei khih i kreh yong ki.

Share this:
Previous

Pynbna ka sorkar ya ki kyndon thymme hawa psiah chapoh Meghalaya

Next

Pynbna ka MBOSE da ka Special Exam ya kitu wa dooh yaleh SSLC/HSSLC neidaw ka khlam