Ka Ministry of Home Affairs (MHA) ynne ka sngi da pynbna ko wa da sdang wow wai yaka ri naka Lockdown deiwa chah u wai kiwa boon ki jait kaam kiwa khang kam chibynta ka Unlock 1.
Hanla kattæ leh da pyntip ko wa hapoh ka Section 10(2)(1) ka Disaster Management Act 2005 ki kyndon wa da pynkrehkaam u neh hi ki hadooh ka 30-06-2020, wei kini ki kyndon kiwa tip kam ki National Directives for COVID-19 Management man ki kamni ha wah:
- I tymmoh yei khmut i ktien man i iwa ym hoi u dam manda em cha ki thaw paidbah, ki thaw kreh wa heipor wa em hapoh ki kari paidbah.
- U pteiñ u leh yaka Social Distancing deiwa ya jngai 6 Feet uwi na uwi haki thaw paidbah kamjooh leh manda lai cha ki dukan wei ym chah u psiah palat 5 ngut hapoh dukan ha i jooh i por.
- Ym pu chah u pynman yaki yalang paidbah kiwa heh. Heiyatoh wa i bia, ki bru wa chah khut ym toh u palat ki 50 ngut. Heiyatoh won manda pyndep yaka niam ka rukom manda yap bru ym toh u em palat 20 ngut.
- Ym chah wow mynthu haki thaw paidbah wei kiwa leh pyrchah daw chah daiñ kuna ki.
- Ym chah wow dih kiad, u baam kwai baam duma wa kiwi kam kini ki jait haki thaw paidbah.
- Lada katwa ye toh u kreh na yung.
- Ki kynta krehkaam toh u yabhah haki thaw kreh yow lait u wan waroh ki wakreh chisein wan.
- Toh u leh yaka Thermal Scanning, u booh ki thaw saitkti, ki Sanitizer ha waroh ki thaw psiah waki thaw mih.
- Toh u sait pynkhooid dei langær yaki thaw kreh khamtam ki bynta wa tba ki bru kam ki dwar wa kiwi kiwi.
- Waroh ki bru wa pait yaki thaw kreh toh u pyntikna ki wa i rukom chong ki wakreh toh u yajngi ki uwi na uwi wei ki por baam ja leh toh u booh da i jar jiar i por.
Discussion about this post