Shillong: Ka People’s Democratic Front (PDF) ynnin ka sngi da pynbna ko ya ka thup kyrtong wa soo deiwa pynbna pyrtuid ko 5 ngut ki kyrtong wa kynthup ya ki arngut ki MLA warim.
Ha kani ka thup da em ki pyrtuid u MLA warim u Pynshngain N Syiem na Mawsynram Constituency wa u MLA warim u Lamboklang Mylliem na Jirang Constituency.
U Syiem uwa man leh kam u Chief Executive Member ka KHADC wei da mih u naka Congress hadien wa chah suspend u ha ka la 3 snem wei da psiah u cha ka PDF kam uwa yahkhmat ka Party.
Ha kawi tawon ka liang u Lambok Mylliem da ieh u kam u MLA ka North East Social Democratic Party (NESDP) ha kini ki sngi wa dadep.
Kiwi tawon ki kyrtong wa da pynbna toh u Heipormi Laloo na Mokaiaw, Patboone Syngkli na Nongpoh wa u Dr. Donkupar Lyngdoh na Mawphlang.
Ka PDF da thmu nyngkong ko wow pynyieñ 40 ngut ki kyrtong na ki 60 tylli ki Constituency tangwa hadooh katni da pynbna ko ya 25 ngut ki kyrtong wei ym em pynyieñ kyrtong ko na ri-loom Garo.
(Feature Image-File Photo)
Discussion about this post