Jowai: Ka Peoples Democratic Front (PDF) ha ka 12 tarik uni u bnai da pdiang burom ko ya ki ar ngut ki kyrtong wow yaleh MDC cha ka Jaiñtia Hills Autonomous District Council (JHADC) ha ka yalang wa pynman ha Mukhla Nongrim.
Ki kyrtong wa da pybna toh u Long Nongrum wow yakhun na Mukhla-Wahiajer Constituency wa u Helping Phawa u wow yakhun na Tuber Consituency. Ya kini ki ar ngut da pdiang burom da u President ka PDF u Ivanlumlang Marbaniang.
Ha ka yalang pdiang burom ya kini ki ar ngut da wan wow emlang da u MDC ka Mawkhar-Pynthorumkhrah Constituency u James Ban Basaiawmoit, u Dipshon Ryntathiang, Organiser PDF, kiwa kitkaam ka PDF East Jaiñtia Hills District wa kiwi kiwi.
Discussion about this post