Ki wakreh sorkar kiwa chongngiah namo kiwa lai Pension ha kini ki por wa em ka khlam COVID-19 daw e chawa yaki daka “Provisional Pension” namo kawa pynbait chwa chipor kat wym pu yoh ki yaka Pension Payment Order (PPO) kamjooh wow pyndep ya kiwi kiwa emkaam.
U Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da ong u wa hadien wa wan ka sokar u Modi, yaka Department of Pensions da pynkhreh wei da e bor yaka wow lai e ko yaki PPO cha ki wakreh khlem pynslem pyn haka sngi wa kut i chakri yong ki. Nalor ini, ha kini ki snem wa da dep, deiwa bood leh yei yah luti u Prime Minister u Narendra Modi wow leh yaka Digitalization, ka Department of Pension da chna ko leh yaka Website kawa ye ki wakreh sorkar wow pynemkaam kiwa da jan toh por wow lai Pension yow ye ki wow booddien yei pynkhreh yaki kot ki sla yong ki.
Tangwa neidaw wa da thut i krehkaam neidaw ka khlam COVID-19 wei i em leh ka Lockdown, u Dr. Jitendra Singh da ong u wa da em ki wakreh kiwa da chongngiah kiwa ym em yoh ki yaka PPO. Kamtæ yow yarap ya kiwa da chongngiah kamjooh kiwa da heh rta, da chim yaka rai yow lait u slem wow yoh yaka Pension katkam ka CCS (Pension Rules) 1972, da pynjem yaki kyndon yow pynlai bait yei su Pension lyngba ka “Provisional Pension” wa “Provisional Gratuity” hadooh wa yoh ki yaka PPO.
Ya kani ka Provisional Pension daw pteiñ yaka 6 bnai nadooh ka sngi wa chongngiah wei ye wow pteiñ hadooh chi snem wei ini leh u krehkaam ko ya kitu kiwa leh yaka Voluntary Retirement, Kamjooh ka Retirement hapoh FR 56, wa kiwi kiwi.
